Համամոլորակային էկոլոգիական խնդիրները

Համամոլորակային էկոլոգիական խնդիրները

1.Որո՞նք են համամոլորակային էկոլոգիական խնդիրները:

Համամոլորակային են այն խնդիրները, որոնք ընդգրկում են ողջ երկրագունդն ու մարդկությունը:Դրանք մեծ վտանգ են սպառնում մարդկանց  ներկային և ապագային: Աշխարհում էկոլոգիական խնդիրները գնալով շատանում են : Համամոլորակային էկոլոգիական խնդիրներից են՝

Ա) Երկրագնդի մթնոլորտի աղտոտումը և օզոնի շերտի քայքայումը;

Բ) Անտառազրկումը;

Գ) Հողերի վատթարացումը և էրոզիան;

Դ) Անապատացումը;

Ե) Համաշխարհային օվկիանոսների, լճերի և գետերի աղտոտումը;

Զ) Քաղցրահամ ջրերի որակի վատացումը;

Է) Կենսաբանական տեսակների բազմազանության հիմնախնդիրները և այլն:

  2.Ի՞նչ վիճակում են այսօր գտնվում աշխարհագրական թաղանթի ոլորտները: Որ ոլորտն է առավել վտանգված, բերել օրինակներ:

Աշխարհագրական թաղանթի ոլորտները հինգն են՝ մթնոլորտ, քարոլորտ, ջրոլորտ, կենսոլորտ, մարդոլորտ: Այս բոլոր աշխարհագրական թաղանթները ցավոք գտնվում են վտանգի մեջ: Այս հինգից կցանկանամ առանձնացնել մթնոլորտ թեման և մանրամասն կներկայացնեմ այն: Մթնոլորտի աղտոտումը հասնում է անհավանական սահմանների: Արդյունաբերության, ջերմաէլեկտրակայանների, տրանսպորտային միջոցների արտանետումները, կենցաղային աղբի և այլ օրգանական նյութերի հսկայական զանգվածների փտումից առաջացած գազերը աղտոտում են երկրի օդային ավազանը: Սա ունի համամոլորակային բացասական ներգործություն: Մթնոլորտի աղտոտման ազդեցությանը ենթակա են արտանետման օջախներին մոտ բնակվող մարդիկ, բնական համակարգերը, պատմական հուշարձանները: Արտանետվող վնասակար նյութերը մթնոլորտում կուտակվելով, փոխում են մթնոլորտային օդի բաղադրությունը և պատճառ են դառնում նոր համամոլորակային էկոլոգիական հիմնախնդիրների: 

3.Նշել՝ ինչպիսի բնապահպանական միջոցառումներ ու մոնիթորինգներ են կատարվում խնդիրները կանխելու համար: Մասնավորեցնել մեր երկրի օրինակով:

ՀՀ-ում անտառների անկանոն հատումների պատճառով շատ կաթնասուններ լքել են իրենց բնական կենսավայրերը:Հայաստանում անտառները պետական սեփականություն են,  և պետությունն է ապահովում անտառների պահպանությունը, օգտագործումը, վերականգնումն և նոր անտառային տարածքների ստեղծումը: Օրենքով անտառահատում թույլատրվում է միայն սանիտարական և խնամքի նպատակներով: Անտառների ոչ ճիշտ շահագործման հետևանքով արագանում ու խորանում են հողերի էրոզիան, անտառային գետերի ու ջրամբարների տղմակալումն: Անտառային հողերում ջրի պակասի պատճառով տեղի են ունենում առավել խոնավասեր խոտան ծառատեսակների քանակական և որակական փոփոխություններ: Համաձայն փորձագետների, անտառային տարածքների ոչնչացման առկա տեմպերով շարժվելու դեպքում աշխարհում կվերանան բոլոր կանաչապատ տարածքները և մոտակա 50 տարվա ընթացքում կվերածվեն անապատի: Եվ որպեսզի կանխվի անտառահատման բոլոր փորձերը պետությունը անցկացնում է բազմաթիվ միջոցառումներ, որոնք դրական տեղաշարժեր են գրանցում: